ولابد الحزن يعيش
في ضلوع الواد الشايب
يخلي الجناحات م الريش
والفرحه تقول مش جايّه
الخيّه...
تجيب رجليه
والرجل...
ما ليها براح
الجرح...
يلالي ف نور
والعتمه...
تلالي جراح
لو بات الواد مغموم...
راح يلقي الحلم عنيد
راح يلقي الصاحب..
فيض
حواديت من فم أصحاب
وافعال من ارض الواقع
الصاحب...
لن يتصاحب
والوعد...
ماهوش مكتوب
البذر ف قلب الارض..
لن يطرح بالمطلوب
راح ترمي جدور الحب
تطرحلك حسك الشر
وان تنسي كلام الزيف..
هاتلالي عينيك بالحق
تتشعلق فوق ل جبال
الحب..
الوهم..
الزيف..
هاتنادي ف غيم وضباب
ع الفرح..
لكن مايجيش
هاتدور جوّه الروح..
هاتلاقي....
الغصن الدايب
وتلاقي الحزن يعيش
في ضلوع الواد
الشايب
ليست هناك تعليقات:
إرسال تعليق