((1))
ادّيني غنيوه وورقه وقلم
وخد من حياتي كل الترف
سيبلي الكلام
اصل الكلام ليا
شرف
عنوان قصيده عن الألآم
جوه في قلبي
بكل الكلام
اللي بأيديا نفسي اضم
وكأني أم
ضمّه فـ حشاها غنوة محبه
ولا أي أم
ممكن تقدّر معناها غنوه
غير لما عسكر يخطفها عنوه
بالرغم عنها
والام حبلت بالفرح
والغيط طرح
جوه رحمها ثمرة غنا
لكنها قطفتها ثمره
سايله دماها
لما رماها
اهل العقول بألف سهم
من اجل وهم
اسمه الحياه
نازله بدماها من مكان
موطن عفاف
مافيهوش عفاف
ولا دمعه تنزل من عين أبوه
والناس سابوه
ينزف كلام
مكتوب بلغوه غير لغات
اهل الحرام
ولا يعرفوا معني السلام
ولا يدفنوا ابن السكات
لا فتربه ولا في الذكريات
ونسوا اللي فات
وراحوا بيتهم يضحكوا
وكأنهم
شالوا مرض من جسمهم
((2))
أدّيني غنيوه وورقه و قلم
ارسم علم
لبلاد ظلام
فيها البشر
ينبوع الآم
مش بالسكات
لأ بالكلام
بس الكلام..
من غير ما أيد تتمد يوم
وتقيد ضيا
جوه العقول
اتنازلوا يالّلا يامالكين
عن ملككم
بيعوا بيوتكوا
بغلبكم
وهاقول غريبه؟؟
لأ مش هاقول
ما الأم قتلت ابنها
والاب عارف انها
راح تقتله
من اجل قوت
من اجل زاد
قاموا المزاد
علي ابنهم
لجل ما يشرب شربهم
لجل ما ياكل اكلهم
سفكوا بأيديهم دمهم
طفّوا ف شموع ضي النهار
شمعه بنار
ممكن في يوم كانت تقيد
كانت تفيد
البردانين في في وضح نور
لما الشموس راح تنطفي
تبقي الهنا
وتنهي الالم
يمكن تكون ليا انا
غنيوه وورقه وقلم
وخد من حياتي كل الترف
ردحذفيااااااااااااااااااااه الله يا فنان بجد
أم كلثوم لو كانت عايشة أنا متأكد إنها كانت هتبوس إيدك عشان تغني البؤيين دول بس