خيّال وياما ينكسر
من فوق رجول خيله
حنينه للسفر
عاشق لجام زيفه
وطيفه
ماانطوي من فوق زمام الكون في يوم
ساعة مغيب
لكنه ياما اعتاد وياما عاد
اسير طايب من رحلة الحريه
عايد عليل
يلزم سرير الكدب خايف م الفرح
لو يوم طرح
جوه القلوب
والع ياقلب الفارس الغلبان
طامع ف حرب
فيها الجنود شجعان
تايه ف درب
خارج عن الاوطان
عاشق..جعان
رافض..زمان
حرر قلوب الجبن
ناصر للي خان
والحر ياما ينقهر
من كتر سؤلانه عن الاحباب
ومن بعيد لبعيد
يلاقي كما فاته
الحال..ده هو الحال
راضي بغدر الدهر سارق للعطش
ياما بكل القهر ياما ينبطش
ياما عشق ياما
وياما بينكسر
رغم الكسور في العمر عمره
ما انأسر
لكن بأسره..حل كسره
فارقت الافراح عينيه
زاهد عن التسبيل
زاهد عن اللقمه
تارك جسده نحيل
رافض حروبك يازمن
ناكر كل الجميل
لكن ف يوم لعيون
مجافيه كل تسبيله وكل
سبّل عيونه كالعشاقي الولهانين
فارد غطاه
حالل رباط روحه
وهارب م الزمن
راجع يقود خيله
محارب للبعيد
فارق زمن زاحم
بناس
سايب زحامه
وحيد
حلوة اوي جدا بزيادة يا مايكل ..
ردحذفودي اول زياره ليا هنا بس اكيد مش هتكون الاخيرة ان شاء الله ..
واول مره اعرف انك مايكل عادل امين .. يا محاسن الصدف دي فرصه سعيده ..
:)
عبير عادل
تنوري يا عبير
ردحذفدي المدونه بتتنطط من الفرحه
:)
عزيزى مايكل
ردحذفأنت شاعر جميل .. أرجو أن تستمر وأتمنى لك التوفيق
عجبتنى أكتر قصيدة رؤية
ومنتظر زيارتك لمدونتى
م. أحمد أبو العلا
متشكر يا أحمد
ردحذفويزيدني شرف طبعا إني أدخل مدونتك
:)